ازاي تزود من فرص حصولك على وظيفة جديدة

بداية أنت واحد عاطل -بلاش عاطل مش لاقي شغل اليومين دول و ملطشة معاك , علشان الكلمة قاسية شوية على بعض الناس- ازاي بقى نزود فرص حصولك على وظيفة ، في الحقيقة أنت الآن تعمل بوظيفة بالفعل -ومهمتك هي الحصول على وظيفة- عيش هذا المعنى , لو أن مدير الشركة كلفك بمهمة ما , تجد نفسك تتفاني لتنفيذها خوفاً من سخط المدير ,
دعونا نفترض أنك أنت المدير و في نفس الوقت الموظف ,
كلّف نفسك بالعمل بعدد ساعات العمل المتعارف عليها , 8 ساعات يومياً (على الأقل) ,
تمام كده عرفنا انك موظف عند نفسك و بتشتغل 8 ساعات عند نفسك برده -جنون ده ولا ايه ؟- المدير بتاعك المفروض يقولك نظام الشغل ايه ,

أولاً : لازم تخلص السيرة الذاتية بتاعتك -أو CV للناس اللي بتقول إنجليش- , تأكد من أن تكون السيرة الذاتية الخاصة بك قوية , تتضمن إنجازاتك و مهاراتك التي حققتها , بذلك الملف يمكنك وضعه في أحد مواقع التوظيف -هناك العديد منها , على سبيل المثال موقع بيت- .
أكيد هتشد بعض أصحاب الأعمال -بعد ما تكون ظبطتها , تنسيق و خبرات و إنجازات- .
في نفس الوقت تستجيب للإعلانات الموجودة في الدوريات المختلفة -خاصة أهرام الجمعة بالنسبة للمصريين- .
طبعاٌ تتصل وتحط السيرة الذاتية بتاعتك في مكاتب التوظيف المحترمة و المعروفة -وسيبك من الربش- , وحاول تكوّن علاقات مع أكتر من مكتب ,
قبل كل ده حدّد ما إذا كانت تلك المكاتب متخصصة في توظيف تخصص محدد كتخصصك أم هي إعلانية و وسيط فقط -هناك الكثير من المكاتب التي تتخصص في مجالات محددة و باالتالي يكون هناك اختبارات يقوم بها المكتب لمن يختارهم- , بعدما تحدد المكتب يمكنك الذهاب إليه وأنت مستعد .

ثانياً : لازم تفكر في الشركات اللي نفسك تشتغل فيها , وايه المواصفات اللي غالباً ما بتطلبها -لكل شركة سياستها في التوظيف , يعني مثلاً فيه شركات بتهتم أوي بالشهادات Certifications و الاخري بالخبرة في نفس المجال و أخرى يهمها السكن القريب منها- المهم تكون مجهّز نفسك قبل ما تروح تقدم في الشركة .

ثالثاً : اشحن موبايلك و حطّه في حته فيها شبكة -أنا بتكلم بجد , من المهم جداً ان تكون متاح دائما حتي يمكن للشركات الاتصال بك , فالكثير قد تقدم لتلك الشركات و الشركة مش هتتحايل عليه علشان تجيبك- .

رابعاً : حضور المؤتمرات و الندوات الخاصة بمجالك فهناك الكثير منها الذي يمكنك حضوره و التي يمكن أن يكون بها فرص جيدة , و يكون معلك نسخة من السيرة الذاتية أو الكارت الشخصي الخاص بك , وتكوين العلاقات بتلك المؤتمرات بالتأكيد يكون جيد و مفيد فنياً على المستوى المهاري و الاطّلاع الدائم على الجديد كما يمكن أن تكون علاقات تتيح لك الحصول على وظيفة .

طبعاً بعد ده كلّه , ممكن تسألني ايه تجربتك الشخصية بعد كل تلك النصائح , أقولك ان انا دلوقتي داخل الجيش , بس ده ميمنعش ان انا بنفذ المتاح و الممكن من تلك النصائح ,

المقال ده مترجم من هنا مع الكثير من التعديل .

ربنا يكرمك في الشغلانة الجديدة , وابقى ادعيلنا , ربنا يرزقنا زيّك .

ليست هناك تعليقات:

إرسال تعليق

---- أتشرف بتعليقاتكم ----