ليه تشتري عربية لما ممكن ما تشتريش عربية ..؟!

conect by hertz

الفكرة جميلة و رائعة ,
بكل بساطة ليه تشتري عربية لما ممكن " تأجرها " - قديمة .. مش كده ؟! -
يقدم لك موقع Connect خدمة تأجير السيارات و لكن على طريقة كروت الشحن – الظاهر ان حياتنا كلها هتكون بكروت الشحن , بس يا رب محدش يقولك لقد نفذ رصيدكم – .
المهم , بتعمل عضوية في الموقع ده و يجيلك كارت عضوية واللي بيكون في نفس الوقت مفتاح العربية اللي تحب تركبها , أول حاجة بتختار المنطقة اللي انت فيها و تشوف ايه العربيات الموجودة في المنطقة دي وموديلاتها و تعرف مكانها بالظبط , تروح عليها و تحط الكارت بتاعك تتفتح العربية و تلاقي جواها المفاتيح و عيش يا معلم .
الجميل في الفكرة دي سهولتها وكمان بتريح بالك بقى – لا تحجز بطاقتك عند مكتب السيارات ولا تضطر ترجع في معاد معين ، براحتك لحد ما يسمح لك رصيدك – .
كمان لاحظت ان الفكرة الأساسية اللي قام عليها المشروع ده , ان كل من يمتلك عربية لا يستعملها فعلياً إلا لمدة بسيطة جداً يعني في معدل 3 أو 4 ساعات يومياً هذا إذا كان داخل المدينة , و السفريات بالتأكيد مبتكونش كل يوم , فليه أتعب نفسي بجراج أركن فيه العربية و مكينانيكي يضحك عليا و الموديل بتاعي يقدم و أقعد أعمل ميزانية علشان العربية الجديدة و غيره و غيره من المشاكل اللي بنشوفها .
كمان الشركة دي في أكتر من بلد  يعني بكارت عضوية واحد ممكن تركب عربيتك وانت في أي حته في العالم – الشركة لازالت في ثلاث دول لكن من المتوقع أن تنتشر لأن الفكرة عملية و ذكية -

موقع الشركة : www.connectbyhertz.com

اشحن و قابلني بكونكت .

ليست هناك تعليقات:

إرسال تعليق

---- أتشرف بتعليقاتكم ----